Улирлын онцлох ажилтны ярилцлага #3

Онцлох ажилтан цуврал #3

"Бүрэн Финанс" ББСБ-ын III-р улирлын онцлох ажилтан үйл ажиллагааны мэргэжилтэн С.Нармандах ах маань өгсөн ярилцлагыг хүлээн авна уу.

Та өөрийгөө товч танилцуулаач?

• Энэ өдрийн мэнд хүргэе, Намайг Сосор овогтой Нармандах гэдэг. "Бүрэн Финанс" ББСБ-д 2017 онд үйл ажиллагааны мэргэжилтнээр ажилд ороод өдгөө 9дөх жилтэйгээ золгох гэж байна. 

Таны ажил мэргэжлийн онцлог? Таны ажлын нэг өдөр хэрхэн өнгөрдөг вэ? 

• Миний ажлын онцлог  байгууллагын үйл ажиллагааг гүйцэтгэхэд автомашины бүрэн бүтэн, бэлэн байдлыг хангах, замд гарах бэлтгэл шаардлагыг хангах, ажилтнуудад захиалга болон хуваариар үйлчлэх , холбогдох газар нэгжийн үйл ажиллагааг дэмжин хамтран ажиллаж ажлын нэг өдөр маань өнгөрдөг. Ер нь бол их завгүй хүндээ.... /инээв/

“Бүрэн Финанс” ББСБ-ын дотоод соёл ямар вэ? бусад компаниас ялгарах зүйл байдаг уу?

• Анх ажилд ороход цөөн ажилтантай байсан бол одоо 8 салбар нэгжтэй өнөр олуулаа болжээ. Манай байгууллага дотоод соёлдоо ихээхэн анхаардаг бөгөөд ажилтнуудаа өсөн дэвжих, сурч боловсрох, мэргэжил мэдлэгээ дээшлүүлэхэд дэмжиж ажилладаг сайхан байгууллага байгаа. Манай байгууллагын 99% нь залуучууд байдаг. Миний хувьд залуучуудтайгаа ажиллахад дуртай их эрч хүчтэй сайхан байдаг даа.

Ажил хийхэд баг хамт олны уур амьсгал хэр чухал гэж боддог вэ? яагаад? 

• Чухал байлгүй яах вэ... Баг хамт олны уур амьсгал сайн сайхан байх нь ажлын үр дүнд ч сайнаар нөлөөлдөг учраас... /инээмсэглэв/