1. Ерөнхий зүйл
БҮРЭНФИНАНС ББСБ ХХК (цаашид "Байгууллага" гэх) нь хэрэглэгчийн хувийн мэдээллийн нууцлал, аюулгүй байдлыг эрхэмлэн хамгаалж, Монгол Улсын холбогдох хууль тогтоомж, зохицуулах байгууллагын шаардлагын дагуу мэдээллийг цуглуулах, боловсруулах, хадгалах, ашиглах үйл ажиллагааг хэрэгжүүлнэ.
2. Бид ямар мэдээлэл цуглуулдаг вэ?
Үйлчилгээ үзүүлэх зорилгоор дараах мэдээллийг цуглуулж болно. Үүнд:
- Овог, нэр, регистрийн дугаар, төрсөн огноо;
- Утасны дугаар, цахим шуудангийн хаяг, оршин суугаа хаяг;
- Иргэний үнэмлэхийн зураг болон цахим танилт баталгаажуулалтын (eKYC) мэдээлэл;
- Дансны мэдээлэл, төлбөр тооцоо, зээлийн болон санхүүгийн мэдээлэл;
- ХУР, ДАН болон бусад төрийн мэдээллийн сангаас хуульд нийцүүлэн авсан мэдээлэл;
- Байршлын мэдээлэл (хэрэглэгч зөвшөөрсөн тохиолдолд).
3. Мэдээллийг ашиглах зорилго
Цуглуулсан мэдээллийг дараах зорилгоор ашиглана:
- Хэрэглэгчийг бүртгэх, таньж баталгаажуулах;
- Зээл, санхүүгийн үйлчилгээ үзүүлэх;
- Кредит скоринг болон эрсдэлийн үнэлгээ хийх;
- QR төлбөр, дансны холболт болон төлбөр тооцооны үйлчилгээ үзүүлэх;
- Луйвар, мөнго угаах болон хууль бус үйл ажиллагаанаас урьдчилан сэргийлэх.
4. Мэдээлэл дамжуулах
Байгууллага нь хуульд заасан үндэслэлээр хэрэглэгчийн мэдээллийг дараах этгээдэд дамжуулж болно:
- Хууль хяналтын байгууллага;
- Зээлийн мэдээллийн сан;
- Бид хэрэглэгчийн мэдээллийг гуравдагч этгээдэд дээрх тохиолдлоос бусад тохиолдолд задруулахгүй.
5. Мэдээллийн аюулгүй байдал
Хэрэглэгчийн мэдээллийг хамгаалах зорилгоор дараах арга хэмжээг хэрэгжүүлнэ:
- Өгөгдлийн сангийн хамгаалалт, нууцлал;
- Хандалтын эрхийн удирдлага;
- Олон шатлалт баталгаажуулалт;
- Аудитын бүртгэл, хяналтын тогтолцоо;
- ISO 27001 стандартын зарчимд нийцсэн мэдээллийн аюулгүй байдлын хяналт.
6. Хадгалах хугацаа
Хэрэглэгчийн мэдээллийг үйлчилгээ үзүүлэх хугацаанд болон Монгол Улсын хууль тогтоомжид заасан хугацаанд хадгална. Хадгалах хугацаа дууссаны дараа мэдээллийг устгах эсвэл нэргүйжүүлнэ.
7. Хэрэглэгчийн эрх
Хэрэглэгч нь өөрийн мэдээлэлтэй танилцах, засварлах, устгах, шинэчлэх, хуульд заасан бусад эрхээ хэрэгжүүлэх хүсэлтийг Байгууллагад гаргах эрхтэй.
8. Холбоо барих
Нууцлалын бодлоготой холбоотой санал, хүсэлт, гомдлыг дараах хаягаар ирүүлнэ үү.
Байгууллагын нэр: БҮРЭНФИНАНС ББСБ ХХК
Утас: 70187778, 80775010
И-мэйл: [email protected]
Бид энэхүү Нууцлалын бодлогод шаардлагатай тохиолдолд нэмэлт, өөрчлөлт оруулах эрхтэй бөгөөд өөрчлөлтийг аппликейшнээр дамжуулан хэрэглэгчид мэдэгдэнэ.