Улирлын онцлох ажилтны ярилцлага #2

Онцлох ажилтан цуврал #2

"Бүрэн Финанс" ББСБ-ын II-р улирлын онцлох ажилтан Гурвалжин салбарын захирал Д.Номин маань өгсөн ярилцлагыг хүлээн авна уу. 

• Та өөрийгөө товч танилцуулаач?
  Сайн байна уу? Намайг Доржхорлоо овогтой Номин гэдэг. "Бүрэн Финанс" ББСБ-д 2021 онд эдийн засагчаар ажиллаж эхлээд 4 дэх жилдээ ажиллаж байна. Одоо салбарын захирлын албан тушаалтай Гурвалжин салбарыг хариуцан ажиллаж байна.
   
• Таны ажил мэргэжлийн онцлог? Таны ажлын нэг өдөр хэрхэн өнгөрдөг вэ? 
  Миний ажлын онцлог гэвэл харилцагчидтай ойр ажиллаж, тэдний санхүүгийн хэрэгцээг ойлгон, хурдан шуурхай, уян хатан үйлчилгээ үзүүлэх явдал мөн салбарын үйл ажиллагааг удирдан зохион байгуулах, багийн гүйцэтгэл, харилцагчийн сэтгэл ханамж, байгууллагын зорилтод нийцсэн үр дүнг бий болгоход чиглэдэг.
  Миний ажлын өдөр ажилтнуудын төлөвлөгөөг сонсож, шаардлагатай чиглэл өгснөөр эхэлдэг. Үүний дараа салбарынхаа үзүүлэлт, зээлийн борлуулалт, эргэн төлөлтийн явц, зэргээс шалтгаалаад тухайн өдрийн хийх ажлуудын чиглэл өөрчлөгддөг.
   
• “Бүрэн Финанс” ББСБ-ын дотоод соёл ямар вэ? бусад компаниас ялгарах зүйл байдаг уу?
  Би анх зээлийн эдийн засагчаар ажилд орж байсан. Байгууллагын дотоод соёл, хамт олны дэмжлэг намайг өөртөө итгэлтэй болгож өсөн дэвжих урам зориг өгсөн гэж боддог. Байгууллага маань ажилтнаа үнэлдэг, дэмждэг, боломж олгодог. Энэ соёлын ачаар би өнөөдөр салбарын захирлаар ажиллаж байна . Манай байгууллагын “Бүтэх үйлсийн бат гүүр” гэх уриа бол зөвхөн харилцагчдаа биш, ажилтнуудаа ч гэсэн хамтдаа амжилтад хүргэх зорилгыг илэрхийлдэг.
   
• Ажил хийхэд баг хамт олны уур амьсгал хэр чухал гэж боддог вэ? яагаад? 
  Би хувьдаа баг хамт олны уур амьсгалыг ажлын амжилтаас дутахааргүй чухал гэж боддог. Байгууллагын дотоод уур амьсгал эерэг , ойлголцолтой байвал хүн өөрийнхөө чадах бүхнийг гаргаж, бүтээлчээр ажилладаг..